Ganed Garry Kasparov yn Baku, Azerbaijan yn 1963. Mae llawer yn credu mai ef yw'r chwaraewr Gwyddbwyll gorau erioed. Ef yw'r person ifancaf i ennill teitl Pencampwr Gwyddbwyll y Byd pan gurodd Karpov yn 1985. Bu'n Bencampwr Gwyddbwyll swyddogol FIDE tan 1993, ond wedi cweryl gyda FIDE aeth ati i ffurfio'r Gymdeithas Wyddbwyll Broffesiynol. Er nad oedd felly'n bencampwr swyddogol yn y cyfnod wedyn, ef oedd â'r Graddfa ELO uchaf bron yn barhaol o 1985 hyd 2006, ac mae ganddo'r raddfa uchaf yn hanes y gêm, sef 2851.
Yn 2005 cyhoeddodd Kasparov ei fod yn rhoi'r gorau i wyddbwyll er mwyn medru canolbwyntio ar frwydro'n erbyn gormes Vladimir Putin yn Rwsia.